利物浦慘吞3蛋 高普:對唔住,解釋唔到!

2023年02月05日 09:00
東網電視
更多新聞短片
最強博彩盤路過關神器《串績王》:http://win.on.cc/football/ 
今季戰績沉淪嘅利物浦,周日(5日)凌晨英超再陷新低,作客慘吞狼隊3蛋,依家排喺聯賽榜第10位,同前4球隊相差達11分,「紅軍」領隊高普賽後批評球隊表現差勁,道歉之餘更承誌「解釋唔到」球隊沉淪原因,今季前景暗淡。
利物浦今場有前鋒達雲紐尼斯復出,不過防線問題更加嚴重,一開波就被打到立立亂,祖爾麥迪比5分鐘就擺烏龍送禮,12分鐘奇治戴臣門前射成2比0,利物浦之後稍有起色,但入唔到波之餘尾段再失守,魯賓尼維斯禁區內無人看管下輕鬆射成3比0完場。
利物浦近4場聯賽1和3負,領隊高普賽後表示:「我哋有個恐怖嘅開局,2個失球都係防守太差造成,頭15分鐘嘅表現我解釋唔到,但呢15分鐘係唔容許發生,一定要改變,呢個係重點。我依家企喺度,但對唔住,我解釋唔到嗰15分鐘嘅表現。」