尷尬！利物浦竟然簽咗1位「新007」

最強博彩盤路過關神器《串績王》：http://win.on.cc/football/　

利物浦喺上月冬季轉會市場擊敗曼聯，簽入荷蘭國腳加普，以為執到寶，但原來中咗伏，呢位前鋒上仗對狼隊，又食白果，加盟紅軍以來，上陣6次仍然0入球及0助攻，如果下場對愛華頓，再冇建樹，恐怕將成為新一位「007」。

加普上半季為燕豪芬喺聯賽射入9球及12次助攻，加上為荷蘭出戰今屆世界盃有3球進帳，被睇好會成為新世代神鋒。利物浦用4,000萬歐元就買到23歲嘅加普，照計係一筆非常划算嘅收購。

不過，加普登陸英超後，表現乏善可陳，發揮唔出應有作用，網民趁機抽水，有人指荷甲水平唔可以同英超相提並論，加普未夠班喺英超立足，但亦人認為利物浦整體表現差，令加普受拖累。仲有唔少網民寸利物浦又做水魚，繼簽入達雲紐尼斯之後，又簽多1位水貨。

值得一提，查頓辛祖加盟曼聯，首7次英超上陣，0入球及0助攻，因而被寸係「007」，睇來加普好快成為「新007」。