夏蘭特全場0射門　加歷查：佢去錯曼城！

足球博彩神器，每日重心提供盡在《彩報》：http://win.on.cc/football/　

曼城喺英超作客0比1不敵熱刺，爭標路受到嚴重打擊，首席射手艾寧夏蘭特今場冇啖好食，踢足全場嘅佢竟然0次射門，利物浦名宿加歷查更斷言，艾寧夏蘭特加盟曼城係錯誤決定，而曼城簽艾寧夏蘭特亦令球隊實力削弱，成為雙輸局面。

今季聯賽狂入25球嘅艾寧夏蘭特，今仗面對熱刺緊密後防完全冇作為，自2020年9月(多蒙特對杜伊斯堡)後首次錄得全場0射門，甚至乎0次喺熱刺禁區內掂波，完全構成唔到任何威脅，佢同曼城踢法「唔夾」嘅質疑亦再度浮起。

利物浦名將加歷查表示：「我哋只係見到艾寧夏蘭特60%實力，佢喺德甲係以反擊為主，加盟曼城對佢嘅發揮係錯誤選擇，冇錯佢有25個入球，但曼城嘅入球數字同之前係一樣，但全隊防守同組織就減弱咗，有艾寧夏蘭特嘅曼城係冇以前咁勁。呢一個唔係艾寧夏蘭特嘅錯，只不過曼城踢法唔能夠發揮佢最大潛力。」