大衞雷斯彌補世冠盃遺憾　要破歐洲壟斷

足球博彩神器，每日重心提供盡在《彩報》：http://win.on.cc/football/　

今屆世冠盃喺摩洛哥舉行，呢項賽事一向來歐洲球隊天下，對上9屆冠軍都落喺歐洲豪門手上，不過南美冠軍法林明高今屆實力強勁，身經百戰嘅大衞雷斯就豪言要打破歐洲壟斷局面。

35歲嘅大衞雷斯2021年離開阿仙奴重返巴西，估唔到仍然有機會再上世冠盃舞台，而且更決心要打破歐洲壟斷：「皇馬係世界最佳球隊之一，有最好嘅教練(安察洛堤)，被視為大熱門係理所當然。不過足球場上乜都有可能發生，世界盃就見到所謂細球隊，只要做好準備一樣可以創出佳績。」

有趣嘅係，歐洲對上一次失落世冠盃係2012年嘅車路士，當年大衞雷斯就係車路士球員，而且仲拎到當屆世冠盃銀球獎，大衞雷斯表示：「如果可以揀，我會用銀球獎交換冠軍獎牌。我贏過好多賽事冠軍，但世冠盃嘅冠軍獎牌就拎唔到，希望今屆有機會彌補呢個遺憾。」