艾納斯又出手　1600萬鎊年薪利誘布斯基斯

最強博彩盤路過關神器《串績王》：http://win.on.cc/football/　

艾納斯簽入C朗之後，又準備向其他歐洲球星招手，英國《每日郵報》指呢支沙特阿拉伯豪門開出一份1,600萬鎊年薪嘅2年合約，利誘巴塞隆拿中場布斯基斯今夏加盟，同C朗拍住上。

現年34歲嘅布斯基斯將於今夏約滿，佢正在等待巴塞開出新約，仍然未決定去留。不過，由於巴塞隆拿陷入財困，未必會留住呢位西班牙老將，所以早前已傳出美職球隊國際邁亞密有意邀請佢加盟，艾納斯依家亦加入搶人，而且出手更加闊綽。

不過，C朗以往效力皇馬期間，曾經同巴塞隆拿留下唔少牙齒印，唔知布斯基斯願唔願意同佢做隊友呢？

布斯基斯今季為巴塞隆拿上陣18場西甲，其中16場踢正選，仍然有心有力，但佢喺上仗西甲對西維爾，勇戰受傷，可能要休戰2至3個星期。