C朗邦路斯捐簽名波衫拍賣　幫助地震災民

最強博彩盤路過關神器《串績王》：http://win.on.cc/football/　

土耳其大地震造成數千人死亡，各界人士加入援助行列，土耳其國腳美列迪美羅透露，2位前祖雲達斯隊友C朗及邦路斯都，已經答應捐出親筆簽名球衣，作為拍賣籌款用途，並會將收入捐畀地震災民。

美列迪美羅話：「我聯絡過C朗，佢對於發生今次地震感到非常難過，我哋會拍賣佢嘅簽名球衣籌款，我都同邦路斯傾過，佢亦會捐出簽名球衣拍賣，支持受地震影響嘅災民。」

司職中堅嘅美列迪美羅曾於2019至22年效力祖雲達斯，上季曾被外借去另一支意甲球隊阿特蘭大，今季正式被阿特蘭大買斷。