卡維特利雲受傷　難鬥利物浦

最強博彩盤路過關神器《串績王》：http://win.on.cc/football/　

愛華頓上仗英超爆冷擊敗榜首阿仙奴，為護級打下一支強心針，但球隊收到不利消息，射手卡維特利雲上仗不幸受傷，可能缺陣下周二(14日)凌晨英超「默西賽德郡打吡」作客利物浦。

卡維特利雲上仗踢到62分鐘退下火線，亦係愛華頓新領隊戴治該仗唯一換人調動，皆因卡維特利雲疑似觸傷腿筋舊患。戴治近日透露，呢位25歲英格蘭國腳將會接受掃瞄檢查，再決定是否能夠上陣對利物浦。

卡維特利雲曾於2020/21年球季英超上陣33場入16球，打出名堂，但上季開始受到傷患問題困擾，僅踢17場英超入5球，今季情況仍然冇改善，上陣11場英超只入1球。

如果卡維特利雲缺陣「默西賽德郡打吡」，預料會由馬奧比頂替佢嘅正選位置。