【有片】安利簡恩轟中場笠入　多蒙特晉級

足球博彩神器，每日重心提供盡在《彩報》：http://win.on.cc/football/　

周四(9日)凌晨德盃16強賽事，多蒙特作客2比1擊敗波琴晉級，前德國國腳中場安利簡恩今場喺中場線遠程炮轟入，不過其實佢射門力度唔大，個波足足滴咗4下先至慢慢碌入，被網民笑係「最差中場笠射」。

安利簡恩中場線入球：https://bit.ly/3x6ykzF　

波琴同多蒙特今仗互有攻守，上半場補時階段安利簡恩先拔頭籌，當時波琴門將衝出禁區外解圍，安利簡恩喺中圈附近截到，第一時間窩利抽射，雖然個波力度唔大，但由於係空門狀態，個波滴地4下仍然順利碌入。波琴喺64分鐘靠12碼追平，但多蒙特6分鐘後由馬高列奧斯攻入致勝球，贏2比1出線。

對於安利簡恩嘅遠程炮，網民紛紛表示：「彈咗4下地先入，可能係最差嘅中場線入波」、「呢球話你知，中圈入波唔一定係世界波」。安利簡恩賽後亦表示：「其實我唔係射得好應，不過當對方球員漏咗個波，我覺得有機會射入，最後都係一個美妙入球。」