亨利「轉正」失敗　正式離開比利時

最強博彩盤路過關神器《串績王》：http://win.on.cc/football/　

比利時經歷卡塔爾世盃惡夢後，領隊馬天尼斯離任，據報原本助教亨利希望「轉正」，不過隨住比利時足總宣布聘請泰迪斯高執教，亨利嘅好夢亦成空，呢位法國名將亦會辭任比利時助教一職。

比利時足總宣布，37歲嘅意大利主帥泰迪斯高接掌國家隊帥印，並已簽約至2024年歐國盃決賽周之後，比利時足總行政總裁保沙特證實，佢的確有同亨利商討正式出任比利時領隊嘅可能性，但足總最後決定聘請泰迪斯高。

雖然泰迪斯高仍未公布教練團名單，不過法國媒體報道，亨利已經完全離開比利時國家隊，有傳聞佢可能跟隨馬天尼斯加入葡萄牙國家隊，但佢喺卡塔爾世盃後仍然繼續電視台評述工作，仍未就前途作出決定。