名牌律師預言：曼城Case要打4年！

最強博彩盤路過關神器《串績王》：http://win.on.cc/football/　

曼城近日被英超賽會指控超過100條財務違規指控，面臨扣分、降班、褫奪冠軍等嚴重後果，正當球迷擔心「藍月亮」會因扣分而影響爭標，有英超名牌律師就預言，曼城呢單官司有可能要打足4年先會有結果，就算處分都唔會係短期內嘅事。

曾經代表紐卡素、打比郡、錫周三等英格蘭球會嘅著名律師迪馬高，向《泰晤士報》分析曼城今次案件話：「我之前為錫周三、打比郡嘅財務違規案打官司，佢哋被指控喺2個球季嘅帳目有問題，結果官司打咗1年半先完，考慮到曼城今次官司牽涉帳目橫跨14年，而且有115條控罪，要用4年去審並唔令人意外。」

前曼城財政顧問保臣亦認同「持久戰」嘅講法：「考慮到今次指控嘅嚴重性，我相信成個過程會需要好長時間，我認為要超過2年時間，而且英超賽會要證明曼城有咁大規模嘅違規行為係好困難。」