法甲比賽期間拍AV　尼斯正式投訴

足球博彩神器，每日重心提供盡在《彩報》：http://win.on.cc/football/　

法甲球會尼斯嘅主場變「成人影片」拍攝場地！近日有一段成人影片流出，拍攝場景竟然係尼斯比賽日嘅主場廁所，尼斯獲悉後周三(15日)正式提出起訴，控告拍片者「損害球會聲譽」。

據法國傳媒報道，「案發日期」係今年1月29日尼斯主場對里爾嘅聯賽，雖然賽事有接近3萬球迷入場，但有人竟然靜靜雞走入球場其中一個廁所拍成人影片，有關影片已經喺多個成人網站流傳。尼斯發言人表示，佢哋星期一(13日)喺球迷通知下得悉呢段成人影片出現，立即採取法律行動。

用足球場作為成人影片拍攝場地唔係第1次出現，2017年嗰陣一對巴西年輕情侶，就偷入巴西足球聖殿馬拉簡拿球場入面拍攝色情片，成為一時熱話。