英超豪門爭搶麥迪臣　熱刺排頭位

足球博彩神器，每日重心提供盡在《彩報》：http://win.on.cc/football/　

李斯特城中場占士麥迪臣合約剩番1年，今夏勢必成為英超各豪門爭搶目標，各隊當中熱刺排頭位，比曼城同紐卡素更有機會簽到佢，藍狐要求轉會費係6000萬鎊。

英國傳媒分析指，占士麥迪臣勢必離開李斯特城，而佢對新球隊嘅要求係必須成為主力，以保證能夠入選2024年歐國盃英格蘭大軍名單，熱刺絕對可以滿足佢，無論係3中堅定4後衞，麥迪臣喺中場都可以獲得主力位置。

26歲嘅占士麥迪臣效力李斯特城5季，上陣190場入54球，今季兩次對熱刺都有入波，現時熱刺正爭取來季歐聯席位，如能出戰歐聯，對占士麥迪臣將更有吸引力。