羅馬絕地反擊成功　意甲歐洲賽大獲全勝

最強博彩盤路過關神器《串績王》：http://win.on.cc/football/　

周五(24日)凌晨歐霸盃附加賽次回合，羅馬主場以2比0擊敗薩爾斯堡，兩回合合計反勝2比1，晉級16強。今輪歐洲3大盃賽，7支意甲球隊全部贏波或者晉級，為意大利足球挽回面子。

羅馬首回合作客輸0比1，今仗返回主場上半場已經翻身，33分鐘比洛迪近門頂入打開紀錄，7分鐘之後，保羅戴巴拿接應左路傳中，凌空抽射入網，並維持勝果至完場。

羅馬同祖雲達斯都喺歐霸盃贏波晉級16強，另外2支意甲球隊拉素及費倫天拿亦打入歐協聯16強，加上拿玻里、國際米蘭、AC米蘭都喺歐聯16強首回合贏波，意甲球隊喺今屆歐洲賽非常威水。

意大利無緣上年世界盃決賽周，意甲球隊總算喺歐洲賽為意國足球爭光。