【官宣】58歲奇連士文出山　執教南韓

足球博彩神器，每日重心提供盡在《彩報》：http://win.on.cc/football/　

南韓足協宣布，邀請奇連士文出山，接掌南韓國家隊帥印，任期3年半，將領軍出戰2026北美世盃。

卡塔爾世盃16強出局後，保羅賓圖離任，南韓足協經過2個月招聘，終於確定邀請58歲嘅奇連士文執教，「奇哥」上任後首場賽事，係3月24日熱身賽對哥倫比亞。

奇連士文球員時代代表德國上陣108場入47球，外號「金色轟炸機」，贏過1990世盃及1996歐國盃冠軍，掛靴後擔任教練，曾執教德國、拜仁、美國及哈化柏林，不過佢2019年執教哈化柏林僅10個星期，就同球會不歡而散，3年多以來未有再執教，至今再出山執教南韓。

奇連士文任期內有多項任務，南韓嚟緊嘅大賽，將會係亞洲盃決賽周，然後就會角逐世盃外亞洲區賽事，再跟住就係2026北美世盃。