意大利冇前鋒　文仙尼重召恩斯治尼

足球博彩神器，每日重心提供盡在《彩報》：http://win.on.cc/football/　

意大利今個月底將在歐國外主場迎戰英格蘭，主帥文仙尼現時遇上一大難題，就係國家隊冇啱用前鋒，因此打算召回已遠走美職嘅恩斯治尼，仲有佢FC多倫多拍擋貝拿迪斯治，迎戰英軍。

文仙尼表示，今場係佢好拍擋維埃里病逝後首場國家隊主場比賽，意大利會更加強大，但前鋒線遇上難題，佢話：「問題都幾棘手，恩莫比尼、拉斯柏度尼同施卡馬卡受傷，其他人選例如比洛迪喺所屬球會都係後備，只有列斯聯嘅基諾圖有較多比賽機會。」

至於「小王子」尼高路辛尼奧路出走土超加拉塔沙雷，原來亦係文仙尼嘅建議，最重要係有得落場比賽。

最後佢話：「依家喺緊急情況下，召回恩斯治尼同貝拿迪斯治，點解唔可以？恩斯治尼仍可發揮作用，大家不妨睇吓。」31歲嘅恩斯治尼2012年開始入選意軍，上陣54場入10球。