瑞典再召伊巴謙莫域　踢埋2024歐國盃！

最強博彩盤路過關神器《串績王》：http://win.on.cc/football/　

瑞典國家隊周三(15日)宣布新一輪大軍名單，41歲嘅伊巴謙莫域仍然獲得徵召，呢位「長青樹」今季長期受傷患困擾，上個月先至傷愈復出，只係踢咗68分鐘聯賽就即刻入選國家隊，明年歐國盃決賽周有機會再見到佢！

伊巴謙莫域喺2016年曾退出國家隊，不過到2021年宣布復出，雖然上年因傷缺席卡塔爾世界盃，但呢位AC米蘭前鋒仍然想繼續為國效力，上月佢養傷9個月後復出，喺3場聯賽後備上陣加埋踢咗68分鐘，就獲瑞典領隊贊尼安達臣徵召，準備歐國盃外圍賽對比利時同阿塞拜疆。

贊尼安達臣表示：「雖然佢受傷咗一段長時間，但近期已經喺3場賽事上陣，佢覺得自己準備好，而且狀態唔錯，所以我認為伊巴謙莫域可以為國家隊作出貢獻，唔單止係球場上面，球場外一樣幫到球隊。」除伊巴謙莫域外，多位英超球星好似艾蘭加、阿歷山大伊沙克、古路斯夫斯基同域陀連迪路夫等都有入選。