美臣蒙特閃電退出英軍　真相原來係咁

最強博彩盤路過關神器《串績王》：http://win.on.cc/football/　

英格蘭主帥修夫基早前公布大軍名單，備戰歐國盃外圍賽，原本車路士中場美臣蒙特有份入選，但名單出街之後24小時就閃電退隊，皆因佢有傷在身。

車路士領隊樸達話：「美臣嘅恥骨有些少受傷，仍然未恢復十足狀態，所以佢唔會為英格蘭踢嚟緊歐國盃外圍賽。」呢位24歲中場自2月底英超上陣對熱刺之後，就一直缺陣，但修夫基仍然徵召佢，實在令人費解，結果依家可能需要補選新球員。

除咗美臣蒙特之後，另外1位車路士球星史達寧因傷落選，英格蘭現時陣中仲有3位車仔球員，包括芝維爾、列斯占、干拿加歷查。

英格蘭將於3月24日凌晨歐國盃外圍賽C組作客意大利，上演上屆決賽翻版，3日之後主場對烏克蘭。