港超聯　劉家喬開齋：贏唔到有啲唔抵

港超聯球隊香港U23周日（19日）在「中銀人壽香港超級聯賽」，以1比1逼和港會，取得聯賽第1分。補時階段為球隊追平的劉家喬（Kyle），對賽果未算滿意，覺得球隊有力取勝。

Kyle今場為球隊追成平手之餘，更攻入個人首個港超入球，他指全隊為爭取分數，一直非常努力，認為這個入球非常重要。談到是役一直處於落後，Kyle指能夠追平，全靠個「信」字：「無論場波發生咩事，我哋都要做好自己，保持信心，繼續喺球場上盡自己最大嘅努力。」

縱使成為入球功臣，但Kyle臉上未見太大喜悅，他解釋對和局感到少許失望，覺得球隊值得全取3分：「雖然港會都有唔少機會，但我哋都有機會入多球，但自己把握唔係咁好，所以就算攞到分都唔係好滿意。」他續稱這個入球是「努力的成果」，之後會繼續奮鬥，令把握力提升。