車仔今夏離隊第一人曝光　鋼門變棄卒

最強博彩盤路過關神器《串績王》：http://win.on.cc/football/　

車路士今季重金收購多位球員之後，出現人滿之患，將於今季放走部份「冗員」，根據英國《鏡報》爆料，車仔管理層已經通知門將艾度亞文迪可於收咧後離隊，成為今夏「落車」第一人。

艾度亞文迪2020年由雷恩加盟車路士，前2季都係正選門將，但樸達成為車仔主帥後，重用阿列沙巴拿加把關，令艾度亞文迪長坐冷板。加上呢位31歲塞內加爾國腳1月接受手指傷患手術後，今年仍未上陣，就算最近已經復操，但估計難以動搖阿列沙巴拿加嘅正選位置。

艾度亞文迪將於明夏約滿，車路士曾經提出同佢續約6年，但文迪嫌會方出手低，要求更高薪酬，最終傾唔掂數。車路士將艾度亞文迪放上轉會市場，據悉法甲球隊摩納哥、尼斯都有興趣簽佢。