廠迷喜訊！轉會專家稱沙卡答應續約

最強博彩盤路過關神器《串績王》：http://win.on.cc/football/　

阿仙奴大炒水晶宫4比1，布卡約沙卡交出2入球1助攻，「廠迷」對佢續約情況非常關心，轉會專家Fabrizio Romano為大家解畫，佢話沙卡已經喺幾個星期前口頭答應續約，叫大家放心。

Fabrizio Romano喺個人專欄爆料：「阿仙奴球迷一直問我布卡約沙卡嘅續約問題，阿仙奴幾時官方宣布，要視乎球會嘅宣傳團隊幾時做嘢，其實佢哋喺幾個星期前已達成口頭協議。」

佢繼續話：「沙卡已接受阿仙奴續約條件，等待所有細節處理好，雙方就會簽約作實，大家放心，沙卡係會同阿仙奴續約。」

布卡約沙卡同阿仙奴合約至2024年，去年夏天開始不時傳出利物浦同曼城打算高薪挖角，阿仙奴開出新約至2028年，周薪由現時7萬鎊加到20萬鎊，加薪接近3倍，如果續約失敗，阿仙奴今個夏天就要被逼將佢出售。