拉舒福特受傷　英格蘭3國腳退隊

最強博彩盤路過關神器《串績王》：http://win.on.cc/football/　

英格蘭大軍周一(20日)集結，準備展開歐國盃外圍賽旅程，不過未開波已經宣布3名球員受傷退隊，今季狀態大勇嘅曼聯前鋒拉舒福特突然報稱撞傷，同美臣蒙特、尼克普比齊齊缺席嚟緊對意大利同烏克蘭嘅2場大戰。

英格蘭周一展開世盃後首課操練，領隊修夫基點兵陣容未有大變動，但足總就宣布拉舒福特、美臣蒙特同尼克普比受傷申請退隊，其中拉舒福特係喺曼聯上場英足盃對富咸嗰陣撞傷左腳，雖然預計傷勢唔嚴重，但已足夠令佢退出今輪國際賽。

修夫基除補選費沙科士打頂替尼克普比外，暫時未有打算補選選球員代替拉舒福特同美臣蒙特，但如果之後再有球員退隊，估計白禮頓中場蘇利馬治係熱門候補人選。英格蘭會喺周五(24日)凌晨作客意大利，之後再喺下周一(27日)凌晨主場對烏克蘭。