巴塞贏波又關你事？傳奧巴美揚今夏回巢

足球博彩神器，每日重心提供盡在《彩報》：http://win.on.cc/football/　

巴塞隆拿日前喺西甲「國家打吡」擊敗皇家馬德里，聯賽冠軍已成囊中之物，不過賽後更衣室內竟然多咗一個其他球隊嘅人，效力車路士嘅奧巴美揚竟然同一班前隊友齊齊慶祝。有傳巴塞隆拿準備喺今個夏天，再次免費簽奧巴美揚。

巴塞贏出「國家打吡」後，費倫托利斯貼出奧巴美揚喺更衣室內慶祝相，呢位加蓬前鋒上年冬天由阿仙奴轉會巴塞，效力7個月後就被賣去車路士，可惜杜曹被炒後佢就成為「閒人」，今次出現喺巴塞更衣室，似乎仲當正自己係巴塞球員。

據英國《標準晚報》報道，巴塞確實有興趣喺夏天再搵奧巴美揚，但前提係車路士要畀佢免費轉會，而且人工亦要大幅下降，以配合巴塞嘅薪酬限制。奧巴美揚上季喺巴塞踢17場聯賽入11球，表現相當唔錯。