英格蘭獲猛人加盟　2屆英超金靴做進攻教練

最強博彩盤路過關神器《串績王》：http://win.on.cc/football/　

上屆歐國盃亞軍英格蘭，準備新一屆歐國外旅程前獲猛將加盟，前荷蘭國腳哈索賓基正式加入教練團，專門負責哈利卡尼等攻擊球員嘅進攻訓練，希望可以提升「三獅兵團」嘅進攻能力。

英格蘭大軍周二(21日)操練，備戰周五(24日)凌晨作客意大利嘅賽事，哈索賓基意外現身擔任進攻教練。據報呢位前荷蘭國腳係接替約滿嘅基斯鮑維位置，專責訓練進攻技術同戰術，相信哈利卡尼、艾雲東尼、布卡約沙卡、史達寧等球員會獲益良多。

現年50歲嘅哈索賓基係英超傳奇前鋒，喺1999年同2001年兩度奪得英超金靴殊榮，英格蘭領隊修夫基就曾經同佢喺米杜士堡做過2年隊友。哈索賓基掛靴後曾教過安特衛普、昆士柏流浪等球會，上年9月被伯頓炒魷後一直待業，估唔到依家有機會成為英格蘭教練團之一。