阿仙奴又做一哥　但老闆唔高興

最強博彩盤路過關神器《串績王》：http://win.on.cc/football/　

阿仙奴唔止現時高居英超榜首，原來仲排「罰款榜」第1位，今季已被英格蘭足總累積判罰款18.5萬鎊，老闆高安基見到球隊排呢個「榜首」，一定唔高興，除咗因為球員問題，英足總今季似乎特別針對「兵工廠」，唔少判決都對球隊不利。

根據英國《太陽報》報道，英格蘭足總今季已向各級別球隊開出超過100張罰單，20支英超球隊之中，只有紐卡素、賓福特、李斯特城、般尼茅夫、修咸頓未被罰過。

阿仙奴因為球員行為不當，收過4次處罰，總共被罰款18.5萬鎊，排第1位，曼聯以13.7萬鎊排第2位，第3位係被罰11.5萬鎊嘅愛華頓。

至於曼城上月作客阿仙奴，因為行為不當，被罰7.5萬鎊，屬於今季最大額罰單，收到1張已經令曼城排第4位。

有球迷指，阿仙奴今季慘被針對，不單止罰單排第1，喺球場上嘅判決都經常有利對手，包括VAR判錯、球證唔畀12碼等等。