貼身保護！阿仙奴派軍醫跟柏迪踢國際賽

足球博彩神器，每日重心提供盡在《彩報》：http://win.on.cc/football/　

英超進入衝刺階段，榜首阿仙奴日前宣布日本國腳富安健洋做手術提早收咧，為免喺爭標路上再出現麻煩，今次國際賽期亦做足功夫，加納中場湯馬士柏迪周二(21日)返國家隊報到，被影到有阿仙奴軍醫貼身跟隨，確保佢可以安全返英國。

29歲嘅湯馬士柏迪係阿仙奴中場核心人物，佢嘅在陣對球隊影響極大，上季湯馬士柏迪就因為季尾受傷，導致阿仙奴崩潰無緣殺入前4名。為免重蹈覆轍，湯馬士柏迪為加納備戰非國外對安哥拉2場大戰期間，阿仙奴軍醫西蒙梅菲全程跟住，確保佢唔會因為訓練或者過勞而受傷。

湯馬士柏迪係加納國家隊主力，上年底卡塔爾世盃3場分組賽都正選踢足90分鐘，不過加納最終以1勝2負成績無緣躋身16強。