人才凋零　莫拉達做西班牙新隊長

最強博彩盤路過關神器《串績王》：http://win.on.cc/football/　

歐國盃外圍賽展開前，唔少國家隊選出新隊長，繼法國、比利時之後，西班牙亦公布由馬體會前鋒艾華路莫拉達接替退出國際賽舞台嘅布斯基斯，成為「鬥牛兵團」新隊長。

呢位30歲射手一向表現平平無奇，卻成為西班牙新「大佬」，唔少網民都慨嘆昔日球星如雲嘅西班牙，依家人才凋零。

艾華路莫拉達接過隊長臂章之後話：「成為西班牙隊長的確令人難以置信，我感到非常高興、自豪，但亦要承擔責任。」莫拉達曾經效力皇馬、祖雲達斯、車路士、馬體會，但入波數字並唔高，其中效力車路士期間，更加係出名「敗家仔」。

艾華路莫拉達為西班牙上陣61次入30球，排球隊史上射手榜第5位，僅次於大衞韋拿、魯爾、費蘭度托利斯、大衞施華。