熱刺新帥大熱曝光　佢捧過歐霸盃

最強博彩盤路過關神器《串績王》：http://win.on.cc/football/　

盛傳熱刺領隊干地即將被炒，會方亦已經有新帥人帥，根據英國《太陽報》爆料，熱刺準備解僱干地之後，由賴恩美臣擔任看守領隊，直至今季結束，跟住聘請法蘭克福教練加斯拿接掌帥印。

由於球季進行得如火如荼，熱刺現時難以請到合適主帥，搵教練團成員賴恩美臣頂住檔，亦好正常。事實上，熱刺2021年4月炒咗當時領隊摩連奴後，都係由賴恩美臣暫時領軍，佢對於做「替工」並唔陌生。

熱刺新帥首選目標係加斯拿，呢位48歲奧地利籍主帥2021年由禾夫斯堡跳槽至另一支德甲球隊法蘭克福後創出佳績，率領球隊爆冷奪得上屆歐霸盃冠軍，今季領軍打入歐聯16強，雖然被拿玻里淘汰，但已贏盡口碑。

德國傳媒指熱刺已經派人接觸加斯拿，力邀佢加盟，加斯拿未教過歐洲傳統大球會，或者有興趣去英超接受挑戰。