法國「新華拉尼」上位 成曼聯收購目標

2023年03月23日 15:03
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
華拉尼上月宣布退出法國國家隊後,呢支世界盃亞軍防線頓失重心,不過法國勝在人才充裕,效力摩納哥嘅阿素迪沙斯迅速冒起,有望成為華拉尼接班人,甚至曼聯都計劃收購呢位25歲後衞,頂替可能今夏離隊嘅哈利馬古尼。
阿素迪沙斯上年11月獲補選,代替受傷嘅派斯奴甘佩比,出戰世界盃決賽周,並於分組賽對突尼西亞披甲,成為自1966年以來,首位喺世界盃上演處子戰嘅法國國腳,其後16強對波蘭同決賽對阿根廷,都有後備上陣。
身高1米90嘅阿素迪沙斯唔止攔截力強,並且具備不俗助攻力,今季已為摩納哥攻入3球。法國傳媒指曼聯方面已經派人接觸摩納哥管理層,提出收購阿素迪沙斯,估計轉會費為4,400萬鎊。
雖然巴黎聖日耳門(PSG)都睇中阿素迪沙斯,但佢傾向去英超搵食:「英超非常刺激,係我最喜歡嘅聯賽,如果我轉會,當然係去一個可以令我進步嘅聯賽。」曼聯爭奪阿素迪沙斯,明顯佔上風。由於哈利馬古尼可能被紅魔鬼放棄,簽入阿素迪沙斯,的確係一個唔錯人選。