香港隊　旺角場掛紅旗　球迷：好想支持佢哋！

香港足球代表隊周四（22日）坐鎮旺角大球場友賽新加坡，球場在門票早早售罄下高掛紅旗，有球迷認為港隊成績優異，吸引更多球迷入場。

港隊主場迎戰新加坡，足總早早宣布所有門票已全數賣出，旺角場亦掛上紅旗。球迷Julian表示早已有相信會全場爆滿，但坦言門票售罄的速度較預期快，認為港隊成績理想帶動球迷入場：「港隊依排成績幾好，入咗『亞洲盃』決賽周已經帶動好多球迷支持佢哋，加上疫情都過咗去，令大家都好想入場支持。」

另1名球迷Saki就十分期待外流兵以及艾華的表現，預計球隊能小勝而回：「我估港隊贏一兩球，始終我哋好耐冇約新加坡踢友賽，究竟實力差幾遠要踢過先知。」