拜仁放棄沙比薩　曼聯有望平價簽入

足球博彩神器，每日重心提供盡在《彩報》：http://win.on.cc/football/　

今個冬窗由拜仁外借到曼聯嘅奧地利中場沙比薩，上陣9場入1球，佢臨危授命，令曼聯中場用人危機得以舒緩，有消息指拜仁唔打算收番佢，如果曼聯想要，將可以低價簽入，一切視乎坦哈格決定。

轉會專家Fabrizio Romano報道，拜仁下季計劃中並無沙比薩，過去兩季佢喺拜仁上陣54場入2球，但正選機會甚少，反而外借到曼聯後，英超上陣9場有5次正選，喺紅魔上陣機會明顯較多。

分析指出，曼聯會否由借轉買沙比薩，情況複雜，因為坦哈格今夏打算進一步強化中場，希望簽入一位頂級防中，最理想係法蘭基迪莊肯過嚟，如果順利，沙比薩就要同雲迪碧克爭位，做般奴費南迪斯嘅後備，但如果坦哈格增兵失敗，沙比薩就有機會獲曼聯收留。