美斯仲踢緊　美斯接班人宣布掛靴

最強博彩盤路過關神器《串績王》：http://win.on.cc/football/　

美斯第1代接班人保贊，周四(23日)宣布掛靴，佢今年只得32歲，比美斯細3年。

保贊係巴塞青訓出身，2007年為巴塞1隊上陣，踢咗163場入41球19助攻，離開巴塞後踢過羅馬、AC米蘭、阿積士、史篤城、緬恩斯、艾拉維斯，離開歐洲後踢過CF蒙特利爾，最後一間球會係神戶勝利船。

初出道時，佢以17歲零51日入波，成為巴塞史上最年輕入球球員，被譽為美斯接班人，16年過去，美斯仍然屹立球壇，亦不斷有接班人湧現，而保贊長期受傷病煎熬，早已退出頂級行列，最終宣布掛靴。