布斯基斯未續約　佢要等埋美斯

足球博彩神器，每日重心提供盡在《彩報》：http://win.on.cc/football/　

年屆34歲嘅布斯基斯退出西班牙國家隊，同巴塞隆拿合約亦於今夏到期，去向未定，西媒報道呢位前鬥牛隊長正等待美斯決定，如果美斯重返巴塞，佢亦會留隊。

布斯基斯已經結束國家隊生涯，今個國際賽檔期專心陪家人放鬆，消息指巴塞希望同佢續約1年，同時佢亦收到來自國際邁阿密同沙特阿位伯球隊報價，暫時未有決定，因為佢想等埋美斯。

美斯喺巴黎聖日耳門(PSG)嘅情況，同布斯基斯一樣，同PSG今夏約滿，亦收到來自國際邁阿密同沙特阿位伯球隊報價，《世界體育報》報道，布斯基斯打算同美斯共同進退，美斯去邊，佢就去邊。