絕對核心!阿仙奴將開7年長約綁實隊長
足球博彩神器,每日重心提供盡在《彩報》:http://win.on.cc/football/ 
阿仙奴隊長馬田奧迪加特今季表現光芒四射,成為球隊新核心,英國著名體育女主持Laura Woods爆料,指兵工廠計劃同呢位24歲挪威國腳續約至2030年,成為球隊新一代傳奇球員。
Laura Woods話:「阿仙奴準備向中場奧迪加特提供一份長約,令佢留隊至2030年,我都覺得好興奮,兵工廠必須確保同最好嘅球員續約,令佢哋將來可以為球隊作出重要貢獻。」
馬田奧迪加特今季英超上陣27次入10球,創出球員生涯單季聯賽入球新高,同時有6次助攻,成為阿仙奴高居榜首嘅功臣,的確值得擁有一份長約。