丹麥贏波基斯坦臣受傷　巴塞好頭痕

最強博彩盤路過關神器《串績王》：http://win.on.cc/football/　

周五(24日)凌晨歐國外H組賽事，丹麥主場3比1擊敗芬蘭，不過球隊亦付出沉重代價，中堅安達斯基斯坦臣勇戰受傷，據報要抖3至4個星期，將會缺席巴塞隆拿之後連場大戰。

丹麥今場有20歲超新星賀蘭特掛帥，佢首次為國家隊踢正選即連中三元，幫球隊3比1贏波，美中不足係中堅安達斯基斯坦臣踢18分鐘就傷出，據《阿斯報》報道，安達斯基斯坦臣小腿傷患唔輕，要休息3至4個星期。

丹麥下場分組賽作客哈薩克，安達斯基斯坦臣肯定唔踢得，巴塞隆拿喺國際賽之後亦連場硬仗，包括下月初西盃再戰皇家馬德里，呢位丹麥中堅同樣唔能夠候命。