傳奧迪加特搭上跳舞女王　記招默認戀情

足球博彩神器，每日重心提供盡在《彩報》：http://win.on.cc/football/　

阿仙奴隊長馬田奧迪加特今季表現光芒四射，不過感情生活就頗為低調，近日有傳佢搭上挪威「跳舞皇后」凱蓮娜，呢位24歲球星喺歐國外賽前記者會就表示「好想回應」，但因為要專注對西班牙嘅大戰，所以暫時唔討論私人問題。

馬田奧迪加特喺上星期「倫敦足球頒獎禮」勇奪最佳球員獎，其中一張佢同凱蓮娜嘅合照就喺挪威引起好大回響，盛傳佢哋已經秘密拍拖。26歲嘅凱蓮娜贏過17次挪威跳舞比賽冠軍，個人IG亦有超過7萬追隨者，同馬田奧迪加特都算郎才女貌。

馬田奧迪加特喺對西班牙賽前記者會，被問到新戀情嗰陣表示：「我幾日前上節目受訪，本來都想講呢件事，不過主持人冇問我囉！依家要專注對西班牙，呢場重要比賽係我哋歐國盃外圍賽第1擊，我唔想講私事。」馬田奧迪加特並冇否認傳聞，似乎終於有着落喎！