文迪列巴教西維爾　曼聯「送禮」

最強博彩盤路過關神器《串績王》：http://win.on.cc/football/　

西甲名牌西維爾今季聯賽成績差勁，球隊早前宣布將教練森柏奧利炒魷，並已火速聘請62歲教練文迪列巴執教至季尾。西維爾係曼聯喺歐霸盃8強對手，據報「紅魔鬼」亦送上大禮，批准外借嘅巴西球星阿歷士迪尼斯倒戈上陣。

曾教過伊巴、艾拉維斯等球會嘅文迪列巴，今次同西維爾簽約至季尾，有傳係西維爾喺「冇人肯接手」下嘅選擇，不過總監蒙奇就否認：「我哋有其他選擇，但考慮到依家嘅情況，文迪列巴係最適合人選，佢係一個出色嘅教練。」

西維爾目前喺西甲排第14位，除咗要為護級掙扎外，歐霸盃8強仲要硬撼曼聯。據《曼徹斯特晚報》報道，曼聯已同意畀外借嘅阿歷士迪尼斯倒戈，考慮到佢哋今季曾經喺英聯盃，禁止甸恩軒達臣為諾定咸森林倒戈，今次可以話係送西維爾一份厚禮。