利物浦增兵有Plan B　佢係美國天才

足球博彩神器，每日重心提供盡在《彩報》：http://win.on.cc/football/　

利物浦打算今夏搶簽英格蘭國腳中場祖迪比寧咸，不過由於競爭激烈，預計唔會太順利，紅軍亦準備咗Plan B，後備人選就係美國中場國腳尤路斯穆沙。

尤路斯穆沙現年20歲，有份入選卡塔爾世盃美國大軍並獲派上陣，曾在阿仙奴青訓系統受訓，其後轉投華倫西亞青訓，2020年開始在西甲上陣，至今累積3季，共為華倫上陣98場入5球。

華倫西亞擁有多位潛質新秀，球會運作同多蒙特近似，藉出售年輕新星賺錢，除咗尤路斯穆沙，另一年輕中場安達艾美達、門將馬馬達舒維尼都可以出售圖利。

祖迪比寧咸身價肯定破億，相比之下尤路斯穆沙身價就低得多，雖然呢位美國天才合約有1億歐元違約金條款，不過佢喺德國《轉會市場》估價只值2200萬歐元，英國傳媒估計，利物浦只要開出4000萬歐元，華倫就會放人。