荷蘭慘敗之謎解開：隊內病毒大爆發

最強博彩盤路過關神器《串績王》：http://win.on.cc/football/　

荷蘭打入上年世界盃8強，僅以互射12碼不敵後來嘅冠軍阿根廷，但今仗歐國盃外圍賽卻慘吞法國4蛋，令人大跌眼鏡，原來荷蘭隊內近日爆發病毒感染，導致多位球員退隊，人腳不整之下搞到大敗收場。

據悉荷蘭前鋒加普、中場祖爾華亞文、中堅馬菲斯迪歷特、保治文、後備門將禾保根都因為感染病毒退隊，中場法蘭基迪莊因傷返回巴塞隆拿，陣容實力大受削弱。

重返荷蘭嘅領隊朗奴高文，今仗焗用首次入選嘅22歲中堅基爾圖特亞踢正選，梗係招架唔住法國神鋒基利安麥巴比，加上中場堅尼夫泰萊、19歲小將沙維西蒙斯都缺乏大賽經驗，但都要擔正，「橙衣兵團」前中後三線支離破碎，結果招至大敗。幸好荷蘭下仗對手只係弱隊直布羅陀，應該有喘息空間。