連鎖效應！拿高斯文隨時執教熱刺

最強博彩盤路過關神器《串績王》：http://win.on.cc/football/　

拿高斯文日前被拜仁慕尼黑炒魷之後，有望迅速搵到新工，歐洲各大傳媒指熱刺計劃邀請呢位35歲德國少帥執教，取代已經同球會關係破裂嘅干地。

熱刺上仗英超打和修咸頓3比3之後，干地喺記者會上炮轟球會管理層及球員，盛傳會方準備炒佢，問題係仲未搵到合適新帥人選，因而遲遲未出手。現時拿高斯文可以候命，熱刺只要斟掂佢，就可以立即炒干地。

事實上，熱刺2年前已經有意邀請拿高斯文領軍，但佢最終選擇加盟拜仁慕尼黑，依家有機會再續未了緣。