【有片】英超任務?洛迪「謀殺」奧迪加特

2023年03月26日 09:00
東網電視
更多新聞短片
最強博彩盤路過關神器《串績王》:http://win.on.cc/football/ 
西班牙周日(26日)凌晨喺歐國外大勝挪威,今場比賽出現爭議一幕,挪威喺上半場曾有黃金機會,但馬田奧迪加特射門一刻就被洛迪卡斯簡迪剷到飛起,兩人分別效力英超爭霸對手阿仙奴同曼城,唔少網民話洛迪呢腳係「謀殺」奧迪加特!
洛迪飛剷奧迪加特影片:https://bit.ly/42DA1Tv 
阿仙奴同曼城喺英超爭霸,今輪國際賽當然係「可免則免」,曼城嘅挪威前鋒艾寧夏蘭特賽前就稱傷申請退隊,阿仙奴中場核心馬田奧迪加特就繼續以隊長身份領軍作戰,今場就硬碰有曼城中場洛迪卡斯簡迪坐鎮嘅西班牙,兩人有唔少對碰鏡頭。
挪威早段失守後,15分鐘馬田奧迪加特禁區內推橫起腳,雖然射門被拿祖費南迪斯擋出,但洛迪卡斯簡迪就兇狠飛剷,踢到馬田奧迪加特飛起,呢位阿仙奴球星按住左腳足踝位置表現痛苦,好在最後都可以繼續比賽。洛迪卡斯簡迪雖然踢中人,但球證無視挪威球員抗議,並冇作出處罰。
唔少阿仙奴球迷都提出「陰謀論」:「洛迪係想謀殺奧迪加特」、「阿仙奴應該提出起訴」、「洛迪想踢傷阿仙奴爭標關鍵人物」。