魔性澎湃！調查指曼聯主場氣氛英超第一

最強博彩盤路過關神器《串績王》：http://win.on.cc/football/　

曼聯今季表現大有改善，重新激發球迷入場睇波熱情，英國有機構進行民意調查，結果顯示有20.46%受訪者認為曼聯主場奧脫福球場氣氛最好，得票率屬於英超各隊之冠。

該機構訪問咗1,002人，問佢哋覺得邊支英超球隊主場氣氛最好，結果最多人答奧脫福球場，達到20.46%，第2位係利物浦嘅晏菲路球場，有17.64%，可見紅軍即使今季成績大倒退，亦無損主場球迷熱情。

至於第3至5位分別係阿仙奴(11.49%)、紐卡素(7.56%)、車路士(7.06%)。般尼茅夫以0.6%排包尾，可能同佢哋主場屬於英超最細球場有關。