基蘭泰亞尼最後機會 借國家隊翻生

2023年03月26日 20:04
東網電視
更多新聞短片
最強博彩盤路過關神器《串績王》:http://win.on.cc/football/ 
蘇格蘭左閘基蘭泰亞尼今季喺阿仙奴淪為後備,長期屈居狀態大勇嘅辛真高之下,有傳聞話佢已準備季尾轉會,不過蘇格蘭名宿杜格利殊就話,基蘭泰亞尼仍然有機會搶番正選,為蘇格蘭國家隊上陣就係翻生機會。
杜格利殊表示:「泰亞尼最初係因為受傷先失去正選,唔代表佢表現退步,為蘇格蘭上陣就係一個好好嘅機會,向阿仙奴證明自己嘅能力,泰亞尼嘅問題只係有一個比佢優勝少少嘅球員喺前面。如果泰亞尼有機會又表現到自己,絕對否以搶番個正選位。」
蘇格蘭領隊奇勒亦以「過來人」身份提出忠告:「我球員時代都經歷過呢個情況,最初喺車路士踢得好地地,但當球會引入大量外援,我就冇得踢。我曾經有半年時間自暴自棄,好在之後及時醒覺,盡自己努力爭番正選,最後階段我都同車路士一齊拎咗幾個美妙嘅冠軍。」