沙場悍將加盟晉峰 列卡度鍾情東南亞足球

2023年03月26日 20:40
東網電視
更多新聞短片
上半季成績未如理想的晉峰,在1月轉會窗羅致多名新球員,以加強實力。其中來自阿根廷的悍將列卡度(Ricky),上季曾征戰「亞冠盃」分組賽,實力毋庸置疑,加上此子已在東南亞國家打滾多年,適應不成問題,相信可即時改善「粉紅軍團」的防守能力。■圖、文:李浚湣
列卡度與舊球會FC聯合城在去年11月尾完約,他表示今次決定轉戰香港,主要是因為受到前FC聯合城足球總監、現任晉峰主教練艾斯達維(Joan)的邀請:「當時我跟緊另一支菲律賓球隊操練,已經接近同佢哋簽約,但Joan希望我加盟,話我好適合晉峰。我相信去新嘅地方,對我嘅足球發展係好事,所以唔係一個好難嘅決定。」現年35歲的Ricky續指自己此刻未感太大壓力,只希望盡力踢好,幫助晉峰取得更好成績及排名,並爭取更多上陣時間,向外界證明自己。
出道初期在秘魯、阿根廷球會效力的Ricky,2017年開始轉戰亞洲,並先後在新加坡、菲律賓聯賽打滾,他承認兩地的足球風格有一定分別:「南美洲嘅攔截同踢法更加硬淨,喺場上你冇乜時間拎住個波,再慢慢睇下一步點做,但我覺得最主要都係睇每隊教練嘅要求。第一次去新加坡嗰陣要時間適應,但依家已經冇乜問題,我好鍾意東南亞國家嘅足球。」
今次加盟晉峰後,Ricky較多時間出任防守中場,甚至需要客串中堅,他承認自己身高不足,但對應付高空球甚有信心,相信自己能夠勝任這個位置,同時他又希望在進攻上能夠幫助球隊:「我鍾意控球在腳,再交長傳畀有空位嘅隊友進攻,另外其實我生涯初期喺阿根廷踢開第二前鋒,嚟到亞洲之後先開始改踢中場,所以好享受入波感覺,希望可以做到『帶刀侍衞』嘅角色。」
【列卡度檔案】
姓名:Ricardo Sendra
出生日期︰1987年10月4日(35歲)
國籍:阿根廷 身高︰1米78
體重︰76公斤 位置︰中場
球衣號碼︰32
曾效力球隊(只列部分)︰
曼迪奥拉、公馬內湖、FC聯合城(菲律賓)
現效力球隊:晉峰
不羈型男渴望再踢亞冠盃
列卡度(右圖右)上季曾為FC聯合城在「亞冠盃」分組賽上陣5次,當時同組對手包括墨爾本城、全南天龍,以及之後於16強淘汰傑志的巴吞聯,他直言屬寶貴經驗:「同組對手好強,嗰陣我第一次踢,覺得自己表現唔錯,好開心可以喺亞洲球會最高級別嘅賽事證明自己,有機會都想再踢多次。」球隊最終於分組賽6戰全敗,Ricky認為疫情下取消了主客制,球員相隔3日便要再比賽,令恢復時間不足,間接影響了成績。
阿根廷捧盃鬚髮不剪
列卡度外形豪邁,濃密頭髮及鬍子成個人標誌,他笑言造型來自早前世盃期間與朋友的打賭:「上年世盃時同朋友講,只要阿根廷贏到冠軍,就唔修剪頭髮同鬍鬚,其實都只係講笑,我諗係時候要修剪。」Ricky認為世盃冠軍對阿根廷十分重要:「唔係每個人都熟悉足球,但全國人民都會慶祝,阿根廷經濟可能唔太好,捧盃會令大家忘記所有困難。」