魔笛：講咗100次　我要留喺皇馬！

最強博彩盤路過關神器《串績王》：http://win.on.cc/football/　

克羅地亞隊長莫迪歷今夏同皇馬約滿，有關佢去留有好多傳聞，有指佢會去沙特同C朗再合作，亦有指佢去日職，不過「魔笛」最近接受訪問時已一一否認，佢重申：「我要留喺皇馬，踢到掛靴！」

正為克羅地亞征戰歐國外嘅莫迪歷回應傳聞：「我嘅想法一直係公開嘅，我要留喺皇馬，我相信並希望會實現，至於其他消息同猜測都係謠言，我已經講過100次，我希望、我相信會留喺皇馬。」

佢繼續話：「再同C朗合作？我唔知點講，個個都問我會點，真係好煩，我只想喺皇馬踢到掛靴，咁樣將會好夢幻。」

有報道指皇馬向莫迪歷施壓，要求佢退出國家隊，魔笛咁樣講：「簡單清晰，冇啲咁嘅事。」