菲爾科頓做盲腸炎手術　或抖1個月

足球博彩神器，每日重心提供盡在《彩報》：http://win.on.cc/football/　

曼城進入英超衝刺期受到重大打擊，近期狀態回勇嘅菲爾科頓，周日(26日)因為盲腸炎要做手術，據報可能會缺陣1個月時間，隨時錯過下場對利物浦以及歐聯8強大戰。

菲爾科頓上周六(25日)隨英格蘭國家隊訓練期間，突然覺得肚痛，檢查後發現係盲腸炎要即刻做手術，佢亦錯過英格蘭2比0贏烏克蘭嘅歐國外賽事。不過菲爾科頓受傷對曼城係更大打擊，《每日郵報》指盲腸炎手術嘅康復期可長達1個月，如果真係抖足，佢會錯過曼城未來7場賽事。

菲爾科頓世盃後一度因傷患困擾，狀態差勁而被打入冷宮，不過近1個月全面復甦，頻頻入波兼交靚助攻，近6場比賽5次正選上陣射入4球，佢嘅缺陣對曼城會係極大打擊。