曼聯喜訊！艾歷臣重返訓練場

最強博彩盤路過關神器《串績王》：http://win.on.cc/football/　

曼聯中場基斯甸艾歷臣自1月重傷後，一直處於休養狀態，不過呢位丹麥國腳日前正式重返訓練場，而且表示「進展良好」，據報基斯甸艾歷臣可望喺4月份之內復出，為曼聯最後衝刺出一分力。

基斯甸艾歷臣上星期喺社交網貼相，證實「保護鞋」已經換成波鞋，寓意即將重返球場，國際賽期間基斯甸艾歷臣亦返到卡寧頓訓練基地練習，佢接受球會訪問表示：「我嘅康復進展良好，大家睇到我已經着番波砵，可以開始做簡單練習，我喺健身室練咗幾個星期，係時候開始下一階段。」

英國《每日郵報》報道，基斯甸艾歷臣有望喺4月份之內復出，曼聯領隊坦哈格早前亦表明預計呢位中場會喺4月回歸。基斯甸艾歷臣今季為曼聯上陣31場，交出2個入波同9次助攻。