基亞利殊公開餐單　最愛星洲炒米

最強博彩盤路過關神器《串績王》：http://win.on.cc/football/　

英國有唔少中式餐館，好多英超球星都鍾意食中菜，曼城球星基亞利殊就係當中表表者，呢位英格蘭國腳日前喺曼城嘅TikTok入面自爆飲食習慣，話每次曼城比賽之後，都會去中餐廳外賣5樣嘢返屋企開餐，而星洲炒米更係佢最愛之一！

基亞利殊表示：「我好鍾意食中菜，每場比賽之後我都去曼徹斯特間『天外天』開餐，多數都係叫外賣，包括星洲炒米、蛋炒飯、椒鹽薯仔、椒鹽蝦同咖喱......」呢幾味都唔平，星洲炒米價值20.4鎊係最貴，5樣食物埋單都超過50鎊。

曼徹斯特呢間「天外天」中國餐館（Wing's Restaurant）好受球員歡迎，由費格遜年代已經成日拉隊去開餐，餵飽過好多代嘅曼聯同曼城球星。