香港隊 安帥領軍再同馬來西亞鍊過

2023年03月27日 20:14
東網電視
更多新聞短片
國際友誼賽:馬來西亞 vs 香港
【記者林卓臻馬來西亞直擊】香港男子足球代表隊周二(28日)晚上,緊接進行第2場國際足球友誼賽,作客蘇丹依布拉欣體育場硬撼馬來西亞。港隊主力安永佳、艾里奧先後退隊,但兩名剛在「魚尾獅盃」表現出色的U22小將余在言、劉家喬獲補選,有望帶來一番新氣象,今場當然力爭打破近兩場不勝的頹勢,球迷記得繼續為港隊打氣!(港台電視32周二晚上10時直播)
雙方曾在去年6月份友賽交手,港隊當時以兩球落敗,今次再度作客馬來西亞,主教練莊恩安達臣直言並不易踢,盼拉近差距:「上次因為疫情關係,導致我哋賽前準備不足,加上又唔齊腳,所以踢得好辛苦;馬來西亞實力係幾強,球員好有信心同質素,但我承諾球隊今次會變得更強,令戰況更緊湊。」港隊上周四主場面對新加坡後,相隔5日便要再鬥馬來西亞,但安帥透露球員恢復進度理想,只有中場黃威因傷或未能披甲。
上次面對馬來西亞有份正選上陣的羅梓駿,則認為今次大軍陣容比上次更加完整:「始終後防多咗幾位效力內地聯賽球員,經驗同默契上都加強咗。另外預計進攻會以反擊、逼搶為主,未必用到太多高空波,今場無咗安永佳,但用番靈活啲嘅球員,隨時有優勢。」「羅梓」續指最近2場友賽同樣無法取勝,今場希望贏波以提升球隊信心及士氣。
主隊馬來西亞在前港隊主帥金判坤執教下,近期表現愈見進步,今年1月曾經在東南亞足球錦標賽殺入4強,最終僅不敵泰國,上周友賽亦以1比0小勝土庫曼,實力不容小覷。而「Kim Sir」在賽前記者會上,更提起港隊往事,並以「My Boy」來形容一班曾經合作過的港隊球員:「我會一直支持同關注港隊嘅比賽,現時唔少球員,都係出自我幫手建立嘅青訓系統,見到佢哋入到港隊,我感到好驕傲。」「Kim Sir」又不忘祝賀港隊相隔多年再打入「亞洲盃」決賽周,但強調現時將全力專注帶領馬來西亞在今場友賽取勝,希望兩隊能踢出精彩賽事。值得一提,陣中兩名效力當地勁旅柔佛DT的主力阿里夫、安迪克,早前退出大軍名單。
【預計港隊正選陣容】
門將:1.葉鴻輝
後衞:3.徐宏傑 4.勞烈斯 2.梁諾恆 20.黃梓浩
中場:23.鞠盈智 6.黃洋 8.胡晉銘
前鋒:7.羅梓駿 14.潘沛軒 22.孫銘謙