曼聯紀律又出事　新星被揭吸笑氣

足球博彩神器，每日重心提供盡在《彩報》：http://win.on.cc/football/　

繼加拿祖IG相穿崩出現電子煙後，曼聯另一新星班頓威廉斯又出事，呢位22歲守將被影到在球會訓練基地附近嘅車內吸食笑氣，呢個行為比加拿祖嚴重得多，坦哈格會點處理？

班頓威廉斯今次行為都算明目張膽，事發地點就喺曼聯基地附近，佢喺車內吹住一個氣球，經過嘅途人都可以見到，而且好快就有人認出係班頓威廉斯，雖然吸食笑氣喺英國唔算犯法，但此行為比吸煙嚴重，令曼聯紀律及形象均受損害。

曼聯新星近期接連出現紀律問題，加拿祖喺屋企養傷期間，自己IG貼相穿崩有支電子煙，被網民圍觀，坦哈格未有行動，但今次班頓威廉斯喺訓練基地附近大庭廣眾吸食笑氣，影響相當嚴重，唔知點收科。

班頓威廉斯係曼聯出訓產品，可擔任後防多個位置，上季外借到諾域治表現出色，但今季收回後投閒置散，僅在英聯盃上陣1場，不受坦哈格重用，可能亦因為咁，班頓威廉斯亦無視坦哈格嘅紀律要求，肆無忌憚吸笑氣。