熱刺未黑完！艾馬遜做手術抖6周

足球博彩神器，每日重心提供盡在《彩報》：http://win.on.cc/football/　

英超勁旅熱刺今年頭頭碰着黑，喺歐聯出局又有干地發炮怒轟球員，搞到被炒魷魚，史泰連尼暫時接掌帥印即刻收到壞消息，右閘艾馬遜日前為巴西國家隊踢熱身賽受傷，已經飛返倫敦做手術，預計要休息6個星期。

熱刺依家傷兵滿營，洛里斯、比蘇馬、賓坦古亞同李察利臣都受傷，艾馬遜上周六(25日)為巴西上陣對摩洛哥亦負傷離場，檢查後證實膝部傷勢嚴重，提前返英國後已進行手術根治，預計手術後要休息6個星期，即係要到聯賽最後2至3輪先有機會復出。

熱刺目前排喺英超第4位，但只係領先紐卡素2分兼踢多2場，加上干地被炒對球隊影響係未知數，前景令人擔心。